ףӢ̨¸è(¶±ÎÄ)

Nyaemv daol naih nyaoh , yaoc dos meix gal sail xaol qingk,meix gal meec dingv lix meec sangl .Gangs touk gunv jas dangl xul Ngoc Miic Shanh Zhail bens sonv Zhuc gal geel seic dah ul duih ,neix sangx il moih guanl beix Yenh Taic nyangc .Xedl nyenc yah guail sais yah liangh , xangv bail Hangc Jul gail xangh dogc wenc jangl .Laox maoh Zhuc gongs danl baov : Nuv qak yangp senl bens meec lagx banl dogc leec siih ,geis meec liuuc moih suiv xoc tangc .Yenh Taic danl baov :Gunv jas wenc wangc , maoh meec il beix guanl xil yens ,sais maoh qenc xens duc xuis qangc .Gunv jas zhec teent weex wangc , yah xih nyenc lagx miegs .guans qak xebc beds nyinc jongl kongp louh hangc .Maenl maoh laos fangc qeep jaos sanl bial wap haic wanh ,dengs meix linc loc yis xanh wanh il qangc .Bux maoh Zhuc gongs danl baov : Maenl naih lagx yaoc suis xenl jenl meec liangh ,pik lis Hangc Jul gail xangh zhuh seic langc .Maenl maoh ugs dol ,yedp baiv bux neix yal nyangc gaox yanc ,aol naenl xic gop sanh , bail touk banv kenp dungs keep mungx singv Liangc .Yenh Taic danl baov : Nyac jaix senl noup map touk naih , geis yox bens senl donc xaih xih gags yangp .Sans Bec danl baov : Juil nyaox Jenh Jul Liangc gal singv ,bux meec daeml dingv wuc xoc tangc .Juil bail Hangc Jul dogc leec siih ,wenp jais nyac yah singv guangl mangc .Yenh Taic danl baov : Dangl nas nyac jaix geis lail gangs ,juil lagx Zhuc gal guanl nyih langc .Juil nyaox Ngoc Miic Shanh Zhail bens sonv yanc jiul lail daeml yav ,jiul nyaox jil jav wuc xoc tangc .Jiul bail Hangc Jul dogc leec siih ,yiuv jaeml nyac yah jungh il fangc .Yac keep yac nyenc tongc yip yah tongc xens ,jeec baip xongs dip wil jungh sac .Yac keep yac nyenc dongc touk Hangc Jul peep gail jaos gail xegs meec puk ,dal nuv lagx jax yuc weds doh huh daengh gail dangl .Qiuc gail Hangc Jul baiv kongh zih ,douc baiv xeenl senl sul huh weex yal nyangc.Dogc leec nyinc yedl qak nyinc nyih ,dogc liaox nyinc nyih yuh nyinc saml .Nyinc jengl nguedx yais sais yox miav,keep nyaox senl jav xangv bens senl .Yenh Taic danl baov : Jiul map Hangc Jul dogc leec saml nyinc banv ,biedl magx jungh mungl leec jungh xangl .Jiul map Hangc Jul dogc leec saeml nyinc banv ,daengh nenl xoc xaol siul sanv jonv bail yanc .Sans Bec danl baov : Maenl jiul ugs dol , yedp baiv bux neix yal nyangc gaox yanc seml jongl eiv ,mangc geis eengv dogc saml nyinc leec meik siil bail yanc .Yenh Taic danl baov : Maenl jiul ugs dol yedl souc bux neix yal nyangc gaox yanc geis xonc xuh ,nyih souc yanc nyenc tip huh yuh liic dangc.Jaix yenx yaoc jonv sonv saoc geis ,yah yiuv douv jouh haic lail sail juh deic .Biedl magx xah siih dos dingv wat ,nuv xaol juh singc xebc wenp geis xas ,mangc geis aol bail dens daemh qangc.Qiuc gail Hangc Jul xegs qamt dah ,jaos gail jodc jav meec wap dangl .Xangv aol jaix janl nyaox banv baih ,yuh yaot lagx nyix donc xaih biah wap xangc .Maenl mus yaoc bail , yaoc yenx nyac jaix dah ul Hangc Jul bail nuv miuh ,dal nuv xenc wangc gaox miuh miegs yuh banl .Xih banl xih miegs weex doih nyaoh,geis yox duc noup tingp singh yil yenh nyangc.Maenl mus yaoc bail , yaoc yenx nyac jaix bail nuv menv ,lail lail nuv menv doiv yenl yangp .Maenl nus yaoc bail , yaoc yenx nyac jaix bail gaox jil nyal lamt ,dal nuv lagx banx xeengl xonc qak langh meenh yangc yangc .Bens meec lol xonc bail saemh bengv ,xih yenp qenc xeenl gox daengh xenl kuh liangp .Maenl nus yaoc bail ,yaoc yenx nyac jaix dongc luih dus ,xebc maenl saml buh xuh nas kuanp .Bail touk guil yangc jil nyap duh siis yiuv sinc dah ,lagx jax weex bah xul sinc qenp .Yenh Taic geis yil bac laos dongh,hamx jaix Liangc xongs huik map bangl .Nyac jaix xih pangp yaoc xih taemk ,yiuv nyac jaix aemv dah nyap lanl .Dah bail nyap lanl jaeml dongc sav ,yac keep jil jav aol naenl lix xangl fanc .Nyac xih weex bail yaoc weex jonv ,meec maenl seml ngemc meix tonk jonv gabs yanp .Xuh jenl longc menc yenv sil kouh ,nuv jaix yox mieeh huik map yanc .Yac mangv jeel gail wap nyaemx nyaemh ,nuv jaix map saemh Zhuc El Langc .Lenc lis Sans Bec jonv bail Hangc Jul dogc leec siih ,dogc qak yanl saml yanl siiv jas yuh xangl touk Zhuc El Langc .Maenl jah maoh bail douv jouh haic lail sail yaoc gaox meec hok ,yac dinl xonl pok gaox meec xangp .Keip wat daengl naengc lis jangl siih ,xas yox juh xangl singc nyih xah naenl siih meec hangc .Maenl xic beds siih maoh xegs xah ,dah sonv xangv aol jis xaol map nuv nyangc .Sans Bec geis senv bail qingk guav ,dungs mungx xeengl senl jil jav buc xip huanc.Xeengl senl danl baov :Maenl jas nyac map qak naenl guav tip huh ,xebc maenl saml buh nyac xangl dangl .Sans Bec danl baov : Jiul dul bens xangv dil daoc nouc yox maoh dil degs ,geis xangvlagx miegs xegs xangv banl .Weex doih saml nyinc geis lis sais ,koh leenc singc nyih yaoc lail bail daengh yangp .Xeengl senl danl baov : Naih nyac bix meenh Hangc Jul dogc leec siih ,yagx sac singc nyih xus nyac jengl .Sans Bec jonv bail xoc tangc jinx jih duh ,yic xap toik buh jonv bail yanc .Bail touk dinl senl Ngoc Miic Shanh Zhail liogp ngangv ngangv ,wenl jais bingc banx yac mangv Zhuc El Langc .Bingc banx danl baov : Naih nyac xeengl senl dah noup map touk naih ,bix yunx nguas nguaiv liaiv xangl dangl .Senl jiul Ngoc Miic Shanh Zhail bens meec il beix guanl El Moih ,sais nyac gox wih baov El Langc .Yenh Taic xuis fangc qap lis qingk ,lianc xic pok kugs wanh il qangc .Xenl dengs xuc donl guangl nyaemx nyaemh ,nengl meec qaemk xebs nyenc ngaemh nuv laos guangl .Keip dol dongc menc haemx jaix laos ,nyenc jiuv jeel jaos biinv yunh nyangc .Sans Bec danl baov : Geis yox nyih langc fangc noup nyaoh ,yaoc geis dungs maoh dungs xaol nyangc .Yenh Taic danl baov : Gunv jas dongc nyaox Hangc Jul dogc leec ,yac daol jungh suiv il naenl jouh leenl gongs ,yaoc yah gunv louh jaix jiul Liangc xongh baov El Langc .Maenl jas yaoc map douv hangc maenv ,nuv yac geis senk doiv wenc jangl .Yenx laos xuis fangc bail piat puh ,hangc hangc gangs douh senk sais langc .Bux maoh Zhuc gongs danl baov :Maoh nyenc senl noup nyac meenh yenx maoh xuis fangc nyaoh ,yaoc gox meel maoh nyenc senl mangc .Yenh Taic danl baov :Gunv jas dongc nyaox Hangc Jul dogc leec xegs xih nyenc xogc nas ,keep lagx Liangc gal map nuv nyangc .Bux maoh danl baov : Nongx gangs lix naih xas nyenc bens ,mangc geis deic maoh nyaoh miingc nyanl .Lens lis Sans Bec nyaoh qak saml nyanl geis lail nas ,maenl mus yaoc yah yiuv bail yanc .Bux maoh Zhuc gongs danl baov : Qingk nongx gangs bail gox aol hangc mangc weex xeengl xuh ,sail meix liinc lol donl sih qut xongl liangc .Yenh Taic xuis fangc qingk jaix gangs bail sais daoc dongh ,maenl mus yaoc yah yiuv sunx jaix jiul Liangc xongh dah jogl banc .Bail touk peep gail saoh lix heenh ,baov jaix meenh map bal lionh dangc .Dangl nas bux neix yal nyangc gaox yanc geis lail gangs ,jenl yiuv dogc langc dogc moih gangs naenl lix tongc dangc .Teenc ngens buc yil ngac ngens yais ,nuv jaix meec sais jais xuh kenp .Lens lis Sans Bec jonv bail Jenh Jul geis guangl nas,begs weenh geis janl yaeml yuih liangc .Neix maoh danl baov :Gunv xic lagx yaoc ugs dol xil mienc yangh ,xic naih lagx yaoc qamt kenp geis liangh lis naenl nanx nas hangc .Nanx nas baih seec il naiv meenh ,saml daenv begs weenh goux geis janl .Geis yox dogl gunl jil xedc baos ,bens yaot jaos yedl qenc saeml douh naenl lup xoih liangc .Sans Bec danl baov : Dangl nas nyac neix yah yiuv gangs ,geis liangs jaos yedl qenc saeml douh naenl lup xoih liangc .Gunv jas jiul bail Hangc Jul dogc leec yaoc dul bens xangv dogc langc ugs dol dogc langc liingh ,dogc langc suc singh dingh gags yangp .Bail touk banv kenp dos il sak ,dah bail jil jav dungs lagx Zhuc gal guanl nyih langc .Naih jiul dongc nyaoh Hangc Jul dogc leec saml nyinc banv ,biedl magx jungh mungl leec jungh xangl .Maenl jiul jonv map laos yanc maoh ,dungs lagx Zhuc gal gags yangh hangc .Maenl maoh suis xenl douh qiuc benl gaox jinh ,naih yaoc xangv maoh lis biingh qak xenl jenl haih langc .Neix maoh danl baov : Nongx gangs lix naih geis yiuv jens ,maenl mus yaoc bail nyinp maoh liangc .Lens lis neix keep bail touk Ngoc Miic Shanh Zhail nyaoh il nyaemv ,saml songl louh dingv haemk daengh sangl ,Bux maoh Zhuc gongs danl baov :Yangh xaol gunv map saml maenl mix geev moih ,xic naih yaoc xuih Max gal langc .Max gal jaeml nyenc xebc beds kuaik ,naengl meec yangh xeengl bedl gaiv sonv kit hangc .Jens xanh yenc xanh sunx sail maoh ,naengl meec jaeml nyenc yeenc baoh aol bail Max gal sangc .Neix maoh danl baov : Jiul bis yangc jius pent weep keep yuh geev ,dah nanc lis maoh lagx nyenc pangp .Yenh Taic danl baov : Jiul yah begs miungh jaix Sans Bec saml nyinc banv ,qenc liaox mienc tangc lagx hank jais jiul dul geis xanl .Xic naih jiul nyinp Max gal wenc gabs liangh ,baov xaol laox yah bix xangv jonv bail yanc .Naih nyac laox nyenc bail yanc ,baov jaix Sans Bec duc nyenc juh xangl deil bix xangv ,mangc geis songv sais bail mangv dogc wenc jangl .Neix maoh map yanc il naiv gangs ,yanc nyenc tip huh yuh lic dangc .Senl jiul Jenh Jul meec nyenc pik ,nongx yiuv maix lail siil lah dangc .Sans Bec danl baov : Keep bis benl pap qiuc dav jinh ,miinx mogc maoh lup sul yangh nyanl .Keep bis xil liuuc keip wap yah bens sail jiul duc nyenc langc jaeml dal naengc mih ,bux meec tinp denh qinc dangc douv sail yangp .Yenh Taic suis xenl jenl meec yoh ,yaoc yah liaiv maoh lis biingh qak xenl jenl haih langc .Naih yaoc keip xebc hangc aems yaot xaol laox nanc saemh ,geis liangs qenc jaemh meix mal mangc .Meix aems qit yedl yiuv naengl baol liongc qut pic tonk ,meix aems qit nyih yiuv bail sil haih aol mangv haic songs wangc .Meix aems qit saml yiuv duc xac jis daoh , aol naenl jaos maoh jinv liongc wangc .Meix aems qit siiv yiuv naenl baol liongc liees ,jeel wap geis yiuv yiuv jeel jees .jeel jees geis yiuv yiuv jeel liangc .Meix aems qit ngox yiuv keep ul maenl luih daengl xaov ,janl aems yup hangc xaov lis keep .Meix aems qit liogc yiuv keep qangc jangs qangc liouc xoih ,tinp nyinc geis duv weenh nyinc meec .Meix aems qit tedp yiuv keep tedp gul ul maenlxeens yenc danh ,tinp nyinc geis lanh weenh nyinc lail .Meix aems qit beds yiuv naemv ningv ningv dingv huc heit ,naemh dingv huc heit gangv kenp meel .Meix aems qit qut yiuv keep ul maenl bias nyuic gaemh ,bens laos meix aems qit xebs nanc saemh tinp nyinc meel hanh ngeex ul yanc .Naih yaoc keip xebc hangc aems qit xaol laox nanc saemh ,lens yiuv lis mungx xenc xeens xaov lis langc .Neix maoh danl baov : Yaoc dul xas nyonh oil qit oil yangp baiv maenl dih ,xas baiv yul dil siih jas tongp .Nongx yiuv xebc hangc aems naih qit yaoc laox nanc beenh ,xaol dogc jonv bail yaems dih sangc .Sans Bec danl baov : Nuv yaoc xebc qenc geis lail , aol bail dongs maenc jeel kenp sangv ,qenc xeenl lail yangk haoh mienc tangc .Lens lis Sans Bec deil bail jeel kenp sangv ,nouc naengl xangv maoh jonv fangc ganl .Lens lis Yenh Taic touk bail guaov jogc dih ,qiuc yangp jangl qit baiv juh xangl .Gangs touk yac daol liogc xebc fuh tip bens xic naih ,dah bail yac paih max gal langc .Liogc xebc qinp songl sail jaix qingk ,nuv jaix yaeml xenc meec dingv xuh keip guangl .Sans Bec yaeml ganl jenl meec buh ,keip dol wenc muh jids juh xangl .Yenh Taic daengh xenl qiuk wenc muh ,xangv singc tip fuh dingh yaeml ganl .Lens lis max gal geis huc qik ,gaov laos Begl Jinl wangc jiv ugs tip guanl .Ugs mungx tip guangl dal yenc yah map nuv ,keip dol wenc muh biinv yenl yangp .Yuh lis taip bec teent xeens aems map janh ,yac keep liangc xip huc huanh yuh jids xangl .Duc seil bav sul meix bav yak ,xius duc dangc dav weex naenl moic .Meix gal Yenh Taic bens il naiv ,mungx noup ebl xeil mac yhaih siil saoh miingc jodc qimp peep xonc saemh lens . (ledp)---sdh142857¼ÇÒë<div id=[/img]

Ô­ÌûÓÉ <i>sdh142857</i> ÓÚ 2008-3-7 17:15 ·¢±í ÎÒÀ´¶±ÈËÍø×î´óµÄÊÕ»ñÊÇѧ»á¶±ÎÄ£¬Îª¸ÐлµËÃôÎÄÀÏʦ£¬Ìرð°ÑÎÒ×î½ü¼Ç¼µÄףӢ̨¸è¶±ÎÄ°æÏ×ÉÏ£¬×öΪ»Ø±¨µËÀÏʦµÄÀñÎͬʱҲÏ׸øÿһλϲ°®¶±ÓïºÍ¶±ÎĵÄÅóÓÑÃÇ£®